കുവൈറ്റ് സിറ്റി: ട്രാവൻകൂർ ഫുട്ബോൾ അസോസിയേഷൻ കുവൈറ്റിന്റെ (ടിഫാക്ക്) ആഭിമുഖ്യത്തിൽ അബ്ബാസിയ ഇഖ്റാ അമേരിക്കൻ സ്കൂൾ ഗ്രൗണ്ടിൽ ആവേശകരമായ പെനാൽറ്റി ഷൂട്ടൗട്ട് മത്സരം സംഘടിപ്പിച്ചു. കുട്ടികളുടെയും മുതിർന്നവരുടെ വിഭാഗങ്ങളിലായി നടന്ന ടൂർണമെന്റിൽ വൻ ജനപങ്കാളിത്തമാണ് അനുഭവപ്പെട്ടത്.
മുതിർന്നവരുടെ വിഭാഗത്തിൽ ആകെ 32 ടീമുകൾ മാറ്റുരച്ചു. യു.എഫ്.സി മംഗഫ് ചാമ്പ്യന്മാരായപ്പോൾ അദലിയ എഫ്.സി ഒന്നാം റണ്ണറപ്പും ചെന്നൈ എഫ്.സി രണ്ടാം റണ്ണറപ്പുമായി. കുട്ടികളുടെ വിഭാഗത്തിൽ അമ്പതിലധികം പേർ പങ്കെടുത്ത മത്സരത്തിൽ ജോയൽ ജെബി ചാമ്പ്യനായി.
- മുതിർന്നവരുടെ വിഭാഗം ചാമ്പ്യന്മാർ: യു.എഫ്.സി മംഗഫ്
- കുട്ടികളുടെ വിഭാഗം വിജയി: ജോയൽ ജെബി
- മികച്ച ഗോൾകീപ്പർ: ഫിറോസ് (യു.എഫ്.സി മംഗഫ്)
- മെഡിക്കൽ പാർട്ണർ: അൽ നഹീൽ ഇന്റർനാഷണൽ ക്ലിനിക് ഷിഫ അൽ ജസീറ
മത്സര വിജയികൾക്കുള്ള ട്രോഫികളും പുരസ്കാരങ്ങളും സംഘാടകസമിതി ഭാരവാഹികളും വിവിധ പ്രമുഖരും ചേർന്ന് വിതരണം ചെയ്തു. ടൂർണമെന്റിലുടനീളം മെഡിക്കൽ പിന്തുണ നൽകിയവർക്ക് ചടങ്ങിൽ ആദരവോടുകൂടി സ്നേഹോപഹാരം കൈമാറി. കായികപ്രേമികളുടെ സജീവ സാന്നിധ്യവും മികച്ച പിന്തുണയും പരിപാടിയുടെ വിജയത്തിന് മാറ്റുകൂട്ടി.
